Menu

天辰代理 : 埃及機長遭終身停飛

作為飛機上最高領導人,機長當然要非常專業,講嘅唔單止係駕駛經驗同技術,亦包括操守呀!埃及史馬特航空,日前一位機長就因為唔專業而遭受到終身停飛嘅處罰。事源埃及紅星Mohamed Ramadan乘坐專機飛沙地阿拉伯表演時,航機機長居然畀佢進入駕駛艙,並坐於副駕駛位置,仲有人一直拍片,片段中仲有人講「我發誓目前係Mohamed Ramadan駕駛飛機!」而當事人亦興奮對住鏡頭笑住話「我生平第一次開飛機!」片段放上網之後,引起網民一片譁然,因為埃及法例係唔容許乘客進入駕駛艙,事件揭發後,埃及航空局隨即處罰兩位機長,機長被罰終身停飛,而副機長被停飛一年。所以話,各位機長真係要專業,因為航機安全永遠都係第一位呢!

機長允許明星進入駕駛艙,違反當地法例。

當事人亦興奮對住鏡頭笑住話「我生平第一次開飛機!」

Mohamed Ramadan現年31歲,為埃及最紅歌手兼演員。

标签:,

发表评论

电子邮件地址不会被公开。 必填项已用*标注